Transcription
1
Monseigneur, ceste lettre me servira sil vous plaist pour me
2
remantevoyr en voz bonnes graces et souvenances et pour vous supplier
3
mescuzer si je me puis trouver à la monstre de votre compagnie à mon grand regret,
4
attendu les grandz biens que jay receu de vous monseigneur et
5
lhonneur quil vous a pleu me faire de my avoyr receu, mais
6
jay esperance, Dieu aydant, destre bien tost libre des affaires
7
que jay depardeça pour bien tost après avoyr cest heur de me
8
pouvoyr rendre près de vous pour essayer vous faire paroistre
9
lenvie que jay vous faire humble service, comme jen ay beaucoub
10
dobligation à votre endroict. Monsieur de Bressieu a, ces jours
11
passez, obtint de Monseigneur frère du roy pour nous faire faire
12
nostre monstre de pardeca. Je croy quil vous en donne advis par les
13
siennes et monsieur d’Ourches qui sen retourne pardella, vous rendra
14
certain des nouvelles qui se passe en ceste court, qui me gardera vous
15
en faire mention. Ledit seigneur vous dira aussi comme monsieur
16
de Gargas a esté ung peu mallade de la petitte verolle, mais, la
17
Dieu grace, il se commence à guerir. Et pour navoyr aultre chose
18
digne de vous, je prendrey ceste ardiesse de vous presenter mes
19
très humbles recommandations à votre bonne grace, priant le Createur
20
vous donner
21
Monseigneur, très perfaicte santé, longue et très heureuse vie.
22
A Paris, le VIIe jour daoust 1572
23
Vostre très humble et
24
très hobeissant serviteur
25
A. de Vaulx